MÁIS COPLAS

A nosa profe, Dolores
ás veces enferma está;
o malo de ter a gripe
é que nos pode contaxiar.

Cando Virxinia se enfada
ponse a berrar e berrar,
bota a nenos da clase
e a alguén lle di. “vexetal”

Ao meu compañeiro Brais
xa non o podo aturar,
da cadeira ha de caer
e unha labazada ha levar.

A min no me gustan as “mate”
nin Lingua, nin Coñecemento.
Hai que estudiar moito
e é un aburrimento.

No Entroido deste ano
todos ímonos disfrazar;
de choqueiros iremos
e unha voda celebrar.

Concha, a profe de mate
moi faladora che é,
cando lle preguntas algo
non para de responder.

Aida sempre está a rir
¡Moi toliña ela está!
Pero cando lle pregunto
di que eu, o estou mais.

Agora en Coñecemento
estamos dando a enerxía,
eu ben quero aforrala
non facendo máis poesía.

Yolanda, a de 6º B
sempre anda a rexoubar,
o que non lle gusta nada
é que dela poidan falar.

Este ano, na escola,
vou comer moitas filloas.
Dáme igual quen as fixera...
¡todas están moi boas!

Este ano houbo un Pleno,
houbo moitos concelleiros,
Noelia foi de Alcaldesa
por orde dos compañeiros.

Dolores está farta
de ver goma de mascar...
se ve a algún coméndoa
polo pelo vailla pegar.

O meu colexio está en obras,
quero que rematen XA.
Imos ver si os obreiros
póñense a traballar.

Este ano no colexio,
o Meco queren queimar;
sen razón ningunha
un xuízo vanlle dar.

Dolores e mais Concha
de clase andan a cambiar,
no camiño dunha a outra
poñémonos a berrar.

Este Entroido é o último
que os de 6º imos pasar;
cando estemos no instituto
terémonos que amolar.

O Entroido é moi alegre
disfraces hai a montón;
comemos filloas e orellas
e lacón a “mogollón”.

No colexio estiven anos,
vouno botar en falta...
cando vaia para abaixo
mandareivos unha carta.

A miña amiga Noelia
moi estudiosa che é;
boas notas sempre saca
e nunca copia por ninguén.

Temos moitas pegatinas
para podelas cambiar,
Dolores ponse dos nervos
e quérenolas agochar.

Iván, o meu amigo,
come goma de mascar;
a profe sempre lle rifa
e ameázao con copiar.

Todos os da clase
coplas temos que facer
¡moitas, moitísimas!
para na revista poñer.

Dolores colleu un catarro,
por iso faltou tanto;
e agora quere amolar
poñendo moito traballo.

As nosas nais xenerosas,
larpeiradas han facer,
para que todos os nenos
as poidamos comer.

O xoves tócanos pista
e a toda máquina baixamos,
aínda que non gañemos
o bo é que xogamos.

Anxo chegou este ano,
gomiñas me anda a tirar;
eu sígolle a corrente
pero vanme regañar.

O meco deste ano
nós ímolo a facer,
de madeira e de palla
queimado o imos ver.

A nosa titora, Dolores,
moitos catarros ten;
logo veñen substitutos
e non nos caen moi ben.

Saltar a dúas cordas
un pouco de rolo é
pero Susy di que é fácil
e tentámolo facer.

A nosa profe, Virxinia,
inglés vainos ensinar;
espero non suspender
porque mal vouno pasar.

A Lorena e a Aida
danlles ataques de risa;
despois de rir un anaco
rebéntalles a camisa.

O meu amigo Brais
sabe debuxar moi ben,
dende unha pequena mosca
ata un enorme tren.

Concha, a outra titora,
moi boíña sempre é,
ponnos poucos deberes...
querémola como a ninguén.

Os nenos da miña clase
picariños si que son,
en canto sae a titora
¡comeza a diversión!

Diante séntase Leidy
e nunca para de cantar,
o día que non o faga
irémolo celebrar.

Debemos facer o meco,
e a súa orde tamén;
nós temos moito traballo
e non axuda ninguén.

O meu amigo Jhon
cabreado sempre está ;
ao seu carón está Leidy
e non a pode aturar.

Mauro non está quieto
e non para de falar,
co seu compañeiro Diego
¡non se poden aguantar!

Este ano no colexio
hai disfraces de choqueiro,
os nenos levan vestido
e tamén un bo sombreiro.


Diego, o neno do meu lado
un pelo moi longo ten,
todos llo despeiteamos
pero el colócao ben.

Alexandra , a de 6º,
moi presumidiña é,
sempre luce pola clase
o gran moño que ten.



COPLAS dos rapaces de 6º